საქართველოს თავდაცვის სამინისტროს სამხედრო და სამოქალაქო წარმომადგენელთა სასწავლო კურსი
საქართველოს სტრატეგიისა და საერთაშორისო ურთიერთობების კვლევის ფონდი საქართველოს თავდაცვის სამინისტროს მხარდაჭერით სამხედრო და სამოქალაქო წარმომადგენელთა სასწავლო პროგრამას ახორციელებს.
სასწავლო კურსი მიზნად ისახავს სამინისტროს თანამშრომელთა თეორიული და პრაქტიკული ცოდნის გაღრმავებას თავდაცვის ანალიზის სფეროში. სასწავლო კურსი მოიცავს შემდეგ დისციპლინებს: საერთაშორისო ურთიერთობების თანამედროვე პრობლემები, საქართველოს საერთაშორისო ურთიერთობებისა და რეგიონული უსაფრთხოების გამოწვევები, ეროვნული უსაფრთხოების ინფორმაციული უზრუნველყოფა, შავი ზღვა-კასპიის რეგიონის თანამედროვე გეოპოლიტიკური პრობლემები და პოლიტიკის ანალიზი.
